Historiku

Agjencia Shtetërore e Kadastrës (ASHK) është person juridik publik në varësi të Kryeministrit të Republikës së Shqipërisë, e krijuar në zbatim të ligjit nr. 111/2018, “Për kadastrën”. Ky ligj shënoi bashkimin e tre institucioneve kryesore të administrimit të pronës – ZVRPP-ve, ALUIZNI-t dhe AKKP-së – duke krijuar një strukturë të vetme, të integruar dhe moderne për menaxhimin e të gjithë informacionit kadastral dhe proceset e pronësisë në vend.

Fusha e veprimtarisë dhe roli ligjor

ASHK ka si objekt kryesor krijimin, administrimin dhe regjistrimin e titujve të pronësisë, të dhënë sipas akteve ligjore dhe nënligjore për pronësinë. Institucioni vepron në mbështetje të:

• Ligjit nr. 111/2018 “Për kadastrën”
• Ligjit nr. 20/2020 “Për përfundimin e proceseve kalimtare të pronësisë në Republikën e Shqipërisë”
• Akteve nënligjore që rregullojnë regjistrimin e pasurive, standardet teknike të hartave kadastrale, procedurat e legalizimit dhe proceset administrative me subjektet.

Në përputhje me nenin 193 të Kodit Civil, pronësia, lloji i pasurisë dhe kufijtë e saj dokumentohen mbi bazë të aktit të fitimit të pronësisë, të cilët regjistrohen dhe pasqyrohen në Regjistrin Kadastral të Shtetit.

Organizimi institucional

ASHK organizohet në:

• Nivel qendror, përmes Drejtorisë së Përgjithshme në Tiranë, e cila drejton politikat, përcakton standardet dhe monitoron proceset;
• Nivel vendor, përmes drejtorive dhe zyrave vendore në të gjithë Republikën e Shqipërisë, të cilat ofrojnë shërbime dhe proceset administrative për qytetarët.

Struktura e integruar i mundëson institucionit të ofrojë shërbime më të shpejta, një regjistër unik dhe të unifikuar, si dhe menaxhim më efikas të të dhënave të pronësisë.

Fushat kryesore të veprimtarisë